Manifestación na defensa da lingua en Compostela (18/05/2008)

A Mesa pola Normalización Lingüística convocou baixo o lema "Polo dereito a vivirmos en galego", unha manifestación á que se uniron milleiros de cidadáns, xunto con grupos de todas as tendencias que apoian a utilización, difusión e estudo da lingua galega. Houbo unha insistencia común en cuestionar o chamado "Bilingüismo harmónico". Estiveron visiblemente presentes nas pancartas e nos panfletos as dúas opcións ortográficas de máis consenso público. Como xa é tradicional, comezou na Alameda ás 12:00, e percorreu as rúas compostelás ata a Praza da Quintana.