Manifestación de Unións Agrarias, Xóvenes Agricultores e o Sindicato Labrego Galego en Compostela (30/04/2008)

Ver a noticia na TVG.


A manifestación, convocada polos tres sindicatos galegos do agro, partiu da estación de trens de Compostela ás 12:30 e rematou contra as 14:00 na Praza da Quintana. Baixo o lema "PREZOS XUSTOS PARA LEITE E CARNE. SOLUCIÓNS XA" acudiron gandeiros de todo o país indignados coa inestebilidade do prezo do leite e contra as prácticas de compra dos intermediarios, acusados por varias veces, dende o palco e dende a praza, de seren "os únicos que gañan diñeiro cando os gandeiros perden".



































Nota económica: En 1995, un litro de leite valía 100 pesetas (0,60 €) e un produtor de leite recibía por cada litro producido 50 pesetas (0,30 €). Hoxe, o consumidor paga o litro de leite no mercado a 166 pesetas (1 €)... e o produtor aínda cobra eses 0,30 €, é dicir, menos de un terzo do prezo final. O custo do leite incrementouse un 70%, mais o beneficio non foi para os leiteiros.

Tendo en conta a inflación e a carestía xeral dos produtos, a situación preocupa. O prezo da meirande parte destes duplicouse nos últimos 5 anos aumentando o custo da vida; por riba, o gasóleo, os abonos e os cereais, vitais para os gandeiros, tamén se encareceron. Sen un aumento proporcional dos beneficios, moitos produtores cuestionan a rentabilidade das súas explotacións.