04/02/2010

Folga de estudantes contra a Xunta de Galicia, Lugo (21/01/2010)



Imaxes da manifestación celebrada fronte ao edificio administrativo da Xunta en Lugo polas plataformas Queremos Galego e A Mocidade pola Língua o 21 de Xaneiro do 2010. Este acto, simultáneo ao convocado en Compostela ás 11:30 horas, é a parte visible da folga de estudantes organizada para protestar contra as mudanzas en política linguística e educativa anunciadas polo goberno galego.

A peza chave da protesta é o documento Bases para a elaboración do decreto de plurilingüismo no ensino non universitario de Galicia que foi presentado pola Consellería de Educación o 30 de Decembro do 2009 para substituir o Decreto 124/2007, do 28 de xuño, polo que se regula o uso e a promoción do galego no sistema educativo.
Publicada por à(s)
Etiquetas: ,

2 comentários:

  1. Sebastián04/02/10, 14:51

    Eis o contraste entre a xente nova que demanda galego, mais as xerontomanifas pola 'libertá' de 4 xubilados chegados os mais deles da periferia de Madrid, iso si, eles contan co respaldo mediático, sexa en Libertad Fecal Digital, EsRadioFacha. Cadena PECO, La Coz de Jalisia, La Correa del Gallego ou intercoñomía. E así é o decreto da 'libertá' onde eses rapaces non teñen voz, par que na contra falen por eles os seus pais, ou mellor dito, os prexuizos destes.

    ResponderEliminar
  2. Anónimo04/02/10, 17:09

    Sebastián: Está claro que na Galiza actual, calquera iniciativa favorable ao galego é minimizada nos medios. Isto non acontece cando se trata de defensores do castelán que, por poucos que eles sexan, aparecen sobredimensionados.

    Nas imaxes pode parecer que poucos se mobilizaron en contra do "Decretazo". Mais hai un dato imprescindible: miles de lucenses encontrábanse nese momento defendendo o mesmo que eles na praza do Obradoiro. E á tarde houbo unha segunda concentración en Lugo.

    ResponderEliminar

Subscrever: Enviar feedback (Atom)

Blogs recomendados

Mostrar todos