20/10/2008

Manifestación da "Mesa por la Libertad Lingüística" na Coruña (19/10/2008)



Imaxes da manifestación intitulada "Por la libertad de lengua, no a la imposición", celebrada o Domingo 19 de Outubro do 2008 na Coruña. A marcha partiu ás 17:30 do Obelisco de Linares Rivas e finalizou na Praza de María Pita, convocada pola "Mesa por la libertad lingüística". Os seus integrantes afirman que a lingua galega é imposta pola Xunta de Galicia en perxuízo da liberdade individual dos falantes e denuncian sentírense discriminados por falar castelán. Demandan "VIVIR EN LIBERTAD".









Un grupo de cidadáns galegos descontentos coa convocatoria concorreu á manifestación coa intención de caricaturizala en ton humorístico e festivo. Nas imaxes mostradas, pódese ver como na Rúa Nova varios axentes do Cuerpo Nacional de Policía impediron a súa participación e esixiron que se identificasen.









A manifestación desenvolveuse sen interrupcións...



M
oitos pais decidiron facer aos seus fillos partícipes do acto animándoos a corear consignas ou a vestir camisolas coa frase "YO YA SOY NORMAL".










Nunha área lateral da Praza de María Pita, novas persoas partidarias da normalización do uso do galego mostraron unha faixa contestataria no nome do Centro Social Gomes Gaioso. A Policía Nacional identificounos e instounos á inmediata retirada da faixa, por considerala "provocadora".



O autor destas fotografías foi interceptado por membros da Policía Nacional mentres retrataba vistas deste acto público. Xunto con el, foron interpelados outros dous acompañantes e, sen motivo aparente, foilles pedida igualmente a documentación. Por unha suposta "violación do dereito á intimidade" un dos axentes ordeou eliminar da máquina tres imaxes nas que aparecían parcialmente os rostros de algúns manifestantes. Ironicamente, nese mesmo momento, media ducia de medios de comunicación fotografaban e filmaban o acto, que foi emitido en canles como a TVG esa mesma noite.



Estoutro vídeo da Mesa por la Libertad Lingüística non parece ter sido intervenido pola Policía Nacional, aínda que teoricamente "viola o dereito á intimidade" de varios centos de persoas.



Mentres os convocantes lían comunicados políticos baixo os arcos do Concello, varios pequenos pasaron o tempo xogando en torno á estatua da heroína coruñesa María Pita. Talvez (quen sabe) preguntábanse cal é o significado da palabra "LIBERDADE".



3 comentários:

  1. Magnífico trabalho, TorreVixía! Obrigadom e muitos parabéns! :)

    ResponderEliminar
  2. Parabéns!
    Magnífica reportagem fotográfica acompanhada duma magnífica explicaçom dos feitos.

    Bueno, y ahora ya en serio, quisiera manifestar mi agradecimiento al Cuerpo Nacional de Policía por su "sano" interés en conocer mi nombre y mis datos personales, que si la próxima vez quieren ligar conmigo caballeros, mejor pregúntenme el teléfono directamente, si os lo doy o no es otro tema, pero no recurran a la manida táctica de pedirme la documentación sin motivo alguno cuando me encuentro paseando tranquilamente por las ruas de mi ciudad de La Coruña (se dice así!).

    ResponderEliminar

Blogs recomendados