A Vixía de Suviña

HOU, HOU, HOU...

2012-01-18T22:38:00.019Z

Caro lector, pola primeira vez, A Vixía de Suviña empregará unha linguaxe chea de valoracións en 1ª e 2ª persoa do singular. O motivo é notorio.

É posible que, se tentaches visitar este blog a partir de xaneiro de 2012, non puideses ver moitos dos contidos subidos polo autor (fotos, vídeos, novas). Isto débese principalmente a que, ao mudar a conta de administración e eliminar a vella, esquecín que todos estaban almacenados na defunta 'Vixía'. Unha chea de imaxes e de vídeos cargados durante anos desapareceron da vista.

Afortunadamente, as ligazóns inclúen no html o nome do orixinal, e todos os orixinais están gardados no meu pc...

...

O malo vai ser restituír todos os contidos (tamén as xeolocalizacións!), trátase dun traballo lento e pesado que talvez nunca chegue ao seu fin.

Polo momento, poderás desfrutar dos contidos externos, vídeos, imaxes e ligazóns doutros medios galegos... sempre que sigan existindo.

Aínda, este blog pode serche de utilidade.

Se queres acceder a/usar algún contido, escríbelle unha mensaxe a conversasgalegas@gmail.com Así de paso facemos publicidade desa interesante iniciativa.
(Non dubides visitar o blog das Conversas).

Preme aquí para ver todos os artigos (2007*-2010)

Todos os artigos deste blog, do primeiro ao último

2011-08-11T05:20:00.002+01:00

1 Manifestación de Galiza Non Se Vende, Compostela (17/02/2008)

2 Galiza Non Se Vende: Vídeos e imaxes da manifestación nos xornais electrónicos

3 Mostra do aceite de Quiroga (24/02/2008)

4 Feira do Viño de Chantada (01/03/2008)

5 Eleccións a Cortes Xerais (09/03/2008)

6 Eleccións 2008: Novas e resultados nos medios dixitais galegos

7 Manifestación de Unións Agrarias, Xóvenes Agricultores e o Sindicato Labrego Galego en Compostela (30/04/2008)

8 Manifestación na defensa da lingua en Compostela (18/05/2008)

9 Polo dereito a vivirmos en galego: Novas da manifestación nos medios dixitais

10 Retrospectiva: "Visita ás Encrobas" (17/02/2008)

11 Celebración da vitoria da selección de fútbol española contra a selección alemá na final da Euro2008, Coruña (29/06/2008)

12 Retrospectiva: Partido da selección galega de fútbol contra a selección camerunesa no Estadio Municipal de Balaídos, Vigo (27/12/2007)

13 A bandeira galega outra vez na rúa (25/07/2008)

14 Subida ciclista ao Monte Faro (27/07/2008)

15 Penela Rock 2008, Monforte de Lemos (02/08/2008)

16 Festa de San Paio de Diomondi, O Saviñao (30/08/2008)

17 "Fiesta españhola", A Gentalha do Pichel, Compostela (11/10/2008)

18 Manifestación da "Mesa por la Libertad Lingüística" na Coruña (19/10/2008)

19 Retrospectiva: "Camisolas do Penela Rock 2008"

20 Manifestación de Xóvenes Agricultores e Unións Agrarias en Compostela (18/11/2008)

21 Novas das manifestacións gandeiras do 18 de Novembro do 2008 nos medios dixitais galegos

22 Conversas con Xosé neira vilas, Xosé Luís Axeitos e Isaac Díaz Pardo na Terraza, Sada (26/11/2008)

23 Noite cruel e poderosa, Compostela (17/12/2008)

24 Retrospectiva: "Visita a Portomarín" (22/12/2007)

25 Hora galega: A opinión dos lectores

26 "Bilingüismo Mr. Marshall", Compostela (08/02/2009)

27 Impacto da manifestación de Galicia Bilingüe nas rúas de Compostela

28 Concentración de apoio aos detidos pola Policía Nacional en Compostela (08/02/2009)

29 A manifestación de Galicia Bilingüe nos medios de información galegos

30 Entroido en Nogueira de Miño, Chantada (15/02/2009)

31 Entroido en Viana do Bolo (22/02/2009)

32 "Eleccións ao Parlamento de Galicia", resultados por comarcas en tempo real (01/03/2009)

33 Procesión da Virxe das Dores, Compostela (03/04/2009)

34 Retrospectiva: "Os vídeos da manifestación ridiculista Bienvenido Mr. Marshall" (08/02/2009)

35 Unha tarde coa Liga Nacional de Billarda na Coruña (19/04/2009)

36 Conversas Galegas na Coruña (25/04/2009)

37 "A Revoluçom de 1846: Tal Qual a contamos", Compostela (27/04/2009)

38 Mesa redonda con Beiras e Ferrín na Galería Sargadelos, Compostela (29/04/2009)

39 Feira do Viño de Vilachá, A Pobra do Brollón (03/05/2009)

40 "O galego medra contigo!", A Coruña (13/06/2009)

41 San Kosmik Festival, Culleredo (13/06/2009)

42 Concurso de Sobremesas no C. S. Gomes Gaioso, A Coruña (14/06/2009)

43 "Fogos do Apóstolo", Compostela (24/07/2009)

44 Día da Patria Galega, Compostela (25/07/2009)

45 Recital poético no C. S. Gomes Gaioso, A Coruña (12/09/2009)

46 Concentración por Diego Castro (12/10/2009)

47 Presentación da Asemblea comarcal de Causa Galiza na Coruña (03/12/2009)

48 Manifestación de Causa Galiza en Compostela (06/12/2009)

49 Homenaxe á Vixía de Suviña (06/12/2009)

50 Folga de estudantes contra a Xunta de Galicia, Lugo (21/01/2010)

51 Visita ás hortas de Belvís, Compostela (09/02/2010)

52 "12 horas en bici", A Coruña (08/05/2010)

53 Festa do Boi, Allariz (04/06/2010)

54 Bar españolista na Coruña (07/07/2010)

55 Colaboración con eufalo.tv (21/05/2010)

Capela-ardente de Ana Kiro, Oleiros (24/09/2010)

2010-11-13T17:23:00.003Z

Imaxes da capela-ardente de Ana Kiro, tomadas no Auditorio Gabriel García Márquez de Serantes (Concello de Oleiros) na tarde do 24 de Setembro do 2010.

Colaboración con eufalo.tv (21/05/2010)

2010-08-12T13:40:00.004+01:00

Momento da entrevista con Carmucha, en Loira.

Estes vídeos, tomados na parroquia de Seixo (concello de Marín) e en Mourente (Pontevedra) na tarde do 21 de Maio de 2010, son a primeira colaboración do autor de Menos mal que nos queda Portugal e o deste blog para o proxecto galego eufalo.tv.

"Carmucha" (subido o 12/07/2010).

"Lola, Lilas e Raimundo" (subido o 12/08/2010).

"María e Manuel" (subido o 10/06/2010).

Bar españolista na Coruña (07/07/2010)

2010-07-08T20:47:00.004+01:00

Bar Arlequín, no cruzamento da rúa da Torre coa avenida de Hércules.

Bar de Monte Alto (A Coruña) embandeirado para a emisión do partido que enfrontou ás seleccións de fútbol de España e Alemaña o 7 de Xullo do 2010, na fase final da Copa do Mundo FIFA de África do Sur.

Festa do Boi, Allariz (04/06/2010)

2010-06-23T17:42:00.003+01:00

Ver máis imaxes.

Festa do boi do 2008 (Brais Seara).

Imaxes da terceira carreira do boi celebrada na Festa do Boi de Allariz (Comarca de Allariz-Maceda) o Venres 4 de Xuño do 2010. Neste vídeo móstrase o momento no que o boi chega á Praza Maior.

Ver Localizacións da Vixía de Suviña nun mapa máis grande

"12 horas en bici", A Coruña (08/05/2010)

2010-05-18T20:09:00.010+01:00

Imaxes das 12 horas en bici, organizadas pola Masa Crítica da Coruña e celebradas nesa cidade o 8 de Maio do 2010. A carpa informativa situouse no Cantón Pequeno entre as 10 e as 22 horas.

Agradecimentos ao foro de bicis.info por estas fotografías:

(http://www.bicis.info/foro/viewtopic.php?t=1946)

(http://www.bicis.info/foro/viewtopic.php?t=1946)

(http://www.bicis.info/foro/viewtopic.php?t=1946)

Visita ás hortas de Belvís, Compostela (09/02/2010)

2010-03-13T13:07:00.004Z

Imaxes tomadas na horta urbana de Belvís (Compostela) na mañá do 9 de Febreiro do 2010. Os veciños traballan a terra neste parque público situado no corazón da cidade en parcelas cedidas polo Concello dende Xuño do 2008.

Máis información:
BNG Compostela: Mañá sortéanse as hortas municipais de Belvís, das cales 16 xa foron adxudicadas directamente
Wikimapia: Horta urbana de Belvís (Santiago de Compostela)
Concello de Santiago de Compostela: Recuperación das hortas de Belvís
Xornal de Galicia: Hortas municipais para os xubilados
SantiagoTurismo: Parque de Belvís, Convento de Belvís e Seminario Menor

Situación das hortas de Belvís no parque que leva o mesmo nome, próximo á zona histórica de Compostela (no oeste) e ao barrio de San Pedro (ao norte).

Os señores Jaime e Ramón (?), usuarios das hortas de Belvís.

O viveiro e o cuarto das ferramentas encóntranse nun recinto cerrado baixo o adro do convento de Belvís.

Folga de estudantes contra a Xunta de Galicia, Lugo (21/01/2010)

2010-02-04T14:06:00.001Z

Imaxes da manifestación celebrada fronte ao edificio administrativo da Xunta en Lugo polas plataformas Queremos Galego e A Mocidade pola Língua o 21 de Xaneiro do 2010. Este acto, simultáneo ao convocado en Compostela ás 11:30 horas, é a parte visible da folga de estudantes organizada para protestar contra as mudanzas en política linguística e educativa anunciadas polo goberno galego.

A peza chave da protesta é o documento Bases para a elaboración do decreto de plurilingüismo no ensino non universitario de Galicia que foi presentado pola Consellería de Educación o 30 de Decembro do 2009 para substituir o Decreto 124/2007, do 28 de xuño, polo que se regula o uso e a promoción do galego no sistema educativo.

Homenaxe á Vixía de Suviña (06/12/2009)

2009-12-09T11:52:00.004Z

Con motivo da manifestación autodeterminista do 6 de Decembro do 2009, fixemos unha visita simbólica ás escaleiras da fachada do Obradoiro, na catedral de Santiago (Compostela), para rememorar a primeira subida do 17 de Febreiro do 2007, desta vez cunha bandeira completamente diferente.

Manifestación de Causa Galiza en Compostela (06/12/2009)

2009-12-08T23:43:00.002Z

Ver gravación de GzVideos. :: Ver manifestación do 2008.

Imaxes da manifestación celebrada en Compostela o 6 de Decembro do 2009, día da Constitución española (ou da fundación do Partido Galeguista), baixo convocatoria da plataforma autodeterminista Causa Galiza. Comezou na Alameda ás 12:00 e rematou na praza do Toural. Contra as dúas e media da tarde os participantes iniciaron o xantar baixo un toldo instalado na carballeira de Santa Susana.

Presentación da Asemblea comarcal de Causa Galiza na Coruña (03/12/2009)

2009-12-04T00:25:00.002Z

Imaxes do acto de presentación da Asemblea comarcal de Causa Galiza da Coruña celebrado no C. S. Gomes Gaioso o 3 de Decembro do 2009.

Concentración por Diego Castro, Arteixo (12/10/2009)

2009-10-13T13:40:00.005+01:00

Imaxes da concentración convocada diante da igrexa nova de Arteixo (A Coruña) pola Comisión de Denuncia de Galiza o 12 de Outubro do 2009.

Cada ano dende o 2005, os defensores de Diego Castro Viña reúnense neste lugar ás 12:00, hora á que se celebra a misa en honor á Virxe do Pilar, patroa da Garda Civil.

Carmen Casto, nai de Diego. Agradecemos que nos atendese nun momento tan especialmente emotivo.

A concentración mantívose activa durante toda a misa e á saída dos fregueses e dos gardas do acto relixioso.

Recital poético no C. S. Gomes Gaioso, A Coruña (12/09/2009)

2009-09-13T12:14:00.000+01:00

Belém de Andrade, José Manuel Barbosa e Concha Rousia.

Imaxes do recital poético do Clube dos Poetas Vivos celebrado no C. S. Gomes Gaioso, na Coruña, o 12 de Setembro do 2009.

Varias recitacións durante o acto: Concha Rousia e Belém de Andrade.

José Manuel Barbosa e Concha Rousia.

Día da Patria Galega, Compostela (25/07/2009)

2009-07-28T00:40:00.009+01:00

Imaxes do Día Nacional de Galicia en Compostela. Ano 2009.

O noso percorrido gráfico comeza na Alameda ás 13:00 horas, no inicio da manifestación de Causa Galiza.

Os congregados seguen a traxectoria habitual de moitas outras manifestacións polas rúas do Ensanche, tomando como eixo a praza de Galicia.

Na zona vella, simpatizantes do BNG ocupan as rúas, provenientes do acto celebrado na praza da Quintana.

Finalizada tamén a ofrenda ao Apóstolo, a Catedral vaise enchendo de turistas e crentes que se amorean para dar o abrazo á estatua de Santiago, mentres as prazas circundantes se baleiran. É un día importante na afluencia de turistas e peregrinos á cidade pola principal celebración relixiosa da Arquidiócese.

Máis adiante, contra as 14:30 horas, o Cuerpo Nacional de Policía mantén cerco á manifestación de Causa Galiza e obstrúe as entradas á praza do Toural, o cal produce visibles mostras de expectación e disconformidade entre as persoas que se concentran nas proximidades. Ante a sorpresa de moitos, un coñecido manifestante transpasa sen dificultade o cerco policial e reencóntrase con varios amigos.

Aparición de Luís Gonçales Blasco, "Foz".

Mentres as forzas antidisturbios se retiran en ringleira pola rúa do Vilar en dirección á Porta Faxeira, un rapaz de voz aguda ségueos varios metros e bérralles con firmeza "Independencia!... Independencia!". E con este acontecemento parecen rematar as demostracións masivas de adhesión ideolóxica e as tensións coa autoridade.

Este é o tempo no que a xente vai á procura dun lugar onde xantar. A vida continúa o seu curso no Día da Patria Galega.

Ver vídeo editado por A Nosa Terra.

"Fogos do Apóstolo", Compostela (24/07/2009)

2009-07-27T19:40:00.003+01:00

Imaxes do espectáculo pirotécnico, de luz e son, celebrado para conmemorar a festividade cristiá do Apóstolo Santiago na praza do Obradoiro, en Compostela. O acto comezou nos minutos finais do 24 de Xullo do 2009, véspera do Día da Patria Galega.

Concurso de Sobremesas no C. S. Gomes Gaioso, A Coruña (14/06/2009)

2009-06-15T00:09:00.009+01:00

Imaxes do I Concurso de Sobremesas "Adoça a tua língua", que tivo lugar o 14 de Xuño do 2009 no Centro Social Gomes Gaioso, situado no límite entre As Atochas e Montealto (Concello da Coruña). Despois da deliberación dun grupo de expertas, recibiu o primeiro premio a tarta decorada co dígrafo nh.

Degustación das sobremesas para a puntuación.

Lectura e entrega de premios.

San Kosmik Festival, Culleredo (13/06/2009)

2009-06-14T16:28:00.010+01:00

Ver galería de imaxes.

Imaxes do San Kosmik Festival, celebrado o 13 de Xuño do 2009 no campo da festa da ermida de San Cosme, na parroquia de Sésamo (Concello de Culleredo). A partir das 21:00 horas actuaron no palco da música Los Monchos (con versións dos Ramones), Dr. Buenas Gracias (rendendo tributo a Dr. Feelgood) e Los Paketes (punk/rock), catalogados por Fer (voz de Dr. Buenas Gracias) de "frikys irredentos e irreversibles". Debaixo da ermida foi organizada unha zona de acampada. Instalouse un pequeno bar xunto ao palco e, no extremo oposto, o público aproveitou un pendello con grella para facer churrasco.

Fragmento da actuación de Los Paketes.

Os Paketes, canción de "homenaxe" a Javier Losada.

"O galego medra contigo!", A Coruña (13/06/2009)

2009-06-14T15:05:00.009+01:00

Imaxes da festa infantil e familiar "O galego medra contigo!", celebrada o 13 de Xuño do 2009 no parque Pablo Iglesias do barrio do Castrillón, na parroquia de Oza (Concello da Coruña). A Concellaría de Normalización Lingüística e a Concellaría de Cultura teñen organizado estas actividades noutros barrios da cidade como Monelos ou As Conchiñas. Esta foi a súa sexta edición.

Feira do Viño de Vilachá, A Pobra do Brollón (03/05/2009)

2009-05-04T01:15:00.021+01:00

Imaxes da XVIII Feira do Viño de Vilachá, celebrada nesta parroquia da Pobra do Brollón (Terra de Lemos) o Venres 1, o Sábado 2 e o Domingo 3 de Maio do 2009. O día 3 á tarde, o ambiente nas adegas e baixo as árbores foi amenizado pola charanga Terras do Bibei, e varios grupos con gaitas e percusión. É unha mistura de música, viño e natureza.

Mesa redonda con Beiras e Ferrín na Galería Sargadelos, Compostela (29/04/2009)

2009-04-30T23:04:00.012+01:00

Imaxes da mesa redonda celebrada o 29 de Abril do 2009 ás 20:30 h. na Galería Sargadelos de Compostela, convocada por CUT e Adiante baixo o título "A necesidade da autodeterminación". Interviron Xosé Manuel Beiras Torrado e Xosé Luís Méndez Ferrín, que expuxeron as súas teses e tamén escoitaron e discutiron as reflexións do público. Este é o primeiro acto previsto no programa das Xornadas de Formación AVANZANDO NA CONSTRUCIÓN DO SOCIALISMO, que continúan os días 6, 13, 20 e 27 de Maio.

"A Revoluçom de 1846: Tal Qual a contamos", Compostela (27/04/2009)

2009-04-30T22:37:00.008+01:00

Imaxes da tertulia celebrada o 27 de Abril do 2009 na Libraría Couceiro de Compostela baixo o título "A Revoluçom de 1846: Tal Qual a contamos", organizada pola plataforma Sei o que nos figestes... nos últimos 525 anos para commemorar os 163 anos da batalla de Cacheiras. Interviron Luís Gonçales Blasco, Uxío-Breogán Diéguez Cequiel e Prudencio Viveiro Mogo (arriba de esquerda a dereita).

Conversas Galegas na Coruña (25/04/2009)

2009-04-26T07:24:00.012+01:00

O Sábado 25 de Abil do 2009 celebrouse a segunda sesión das Conversas Galegas no bar Matthews da Coruña. Asistiron doce persoas, entre elas María Xosé Taboada, profesora de Lingua e Literatura Galega do IES María Casares de Oleiros, que acudiu en calidade de convidada. A primeira convovatoria das Conversas, á que asistiron dez persoas, foi realizada o 18 de Abril do 2009.

Unha tarde coa Liga Nacional de Billarda na Coruña (19/04/2009)

2009-04-19T18:46:00.014+01:00

Imaxes da décima xornada de billarda deste ano na Conferencia Noroeste da Liga Nacional de Billarda, celebrada no frontón de Riazor, na Coruña, o Domingo 19 de Abril do 2009.

Retrospectiva: "Os vídeos da manifestación ridiculista Bienvenido Mr. Marshall" (08/02/2009)

2009-04-06T22:39:00.014+01:00

A sección "Retrospectiva" é unha ollada sobre feitos e accións do pasado que, polo seu valor documental ou simbólico, teñen un espazo reservado na Vixía de Suviña. Nesta ocasión voltamos ao 8 de Febreiro do 2009 para rescatar 7 vídeos da manifestación ridiculista convocada por Sei o que nos figestes... nos últimos 525 anos como resposta á marcha de Galicia Bilingüe.

Inicio da manifestación no Paseo da Alameda e obstrución policial.

Continuación en dirección ao Paseo das Letras Galegas.

"Misa de campaña" baixo a estatua de Rosalía de Castro.

Entoamos o "Himno nacional" na Praza "de José Antonio"
(Praza "Roxa").

Reacción "violenta" contra un antifascista.

Na Rúa do Xeneral Pardiñas, a marcha é freada novamente pola
Policía Nacional.

Final da festa.

Procesión da Virxe das Dores, Compostela (03/04/2009)

2009-04-04T15:16:00.016+01:00

Imaxes da procesión da Virxe das Dores ao seu paso pola Rúa do Vilar e a Praza do Toural, en Compostela, a noite do 3 de Abril do 2009, con motivo da festividade cristiá do Venres de Dores (primeira xornada da Semana Santa).

Ver Localizacións da Vixía de Suviña nun mapa máis grande

A procesión vai entrando no Toural.

Paso da Virxe das Dores, banda de música e penitentes.

Actualización (05/04/2009):

A mesma noite desta procesión, na Praza do Pan (ou de Cervantes), foi celebrado o Maricrista'09, do que nos informa a web Sei o que nos Figestes... nos últimos 525 anos.

"Eleccións ao Parlamento de Galicia", resultados por comarcas en tempo real (01/03/2009)

2009-03-01T19:37:00.004Z

Resultados electorais do 2009 na web da Xunta de Galicia. :: Web da "Xunta electoral de Galicia". :: Resultados electorais dende 1981.

Entroido en Viana do Bolo (22/02/2009)

2009-02-23T00:53:00.002Z

Imaxes do Domingo Gordo do ano 2009 en Viana do Bolo. Contra o mediodía do Domingo de Entroido os folións procedentes das parroquias (ou de concellos próximos) e os boteiros descenden con grande estrondo á Praza Maior (presidida polo Meco e a Meca no alto dun poste) e fan un percorrido pola vila.

A noite anterior, moitos dos que fan soar os bombos e as aixadas saen ás rúas xunto con xente disfrazada a celebrar a festa. Case todos utilizan fariña para manchar os rostros e as roupas dos outros e, en consecuencia, o resultado son persoas, paredes e rúas enfariñadas.

Entroido en Nogueira de Miño, Chantada (15/02/2009)

2009-02-16T00:10:00.025Z

Imaxes do Domingo de Corredoiro do 2009 en Nogueira de Miño, parroquia do Concello de Chantada que conserva o entroido ribeirao xunto con Vilaúxe (Chantada) e Fión, na beira oposta do río, pertencente ao Concello do Saviñao (Terra de Lemos). As tres parroquias, cuxos veciños mantiveron tradicionalmente un forte contacto e rivalidade, encóntranse no curso medio do Miño, ao seu paso polo encoro dos Peares.

Ver exposición de traxes do entroido (neste artigo).

Nogueira é unha entidade de poboación que conserva moitas vivendas tradicionais. A igrexa parroquial de Santa María é de estilo románico con modificacións barrocas. O adro ten vistas sobre o val.

A manifestación de Galicia Bilingüe nos medios de información galegos

2009-02-12T17:53:00.037Z

GzVideos.

Isca!

A Nosa Terra

GZvideos

Telexornal mediodía.

Concentración de apoio aos detidos pola Policía Nacional en Compostela (08/02/2009)

2009-02-12T04:34:00.011Z

Ver imaxes de galizalivre.com

No decurso da manifestación de Galicia Bilingüe e dos incidentes acontecidos nas rúas do Ensanche e da Zona Vella, foron detidos dez contramanifestantes. Para esixir a súa posta en liberdade, convocouse unha concentración que comezou ás 17:00 na Praza do Toural, e continuou nas proximidades da Comisaría da Policía Nacional, defendida por unha liña de anti-disturbios. Tras a aparición de Xosé Manuel Beiras, que falou respectivamente con manifestantes e policías, estes adoptaron unha actitude de repouso e a concentración avanzou varios metros. Para remataren o acto, desprazáronse de novo ao Toural.

Impacto da manifestación de Galicia Bilingüe nas rúas de Compostela

2009-02-12T03:59:00.008Z

Varias mostras do impacto orixinado nas rúas de Compostela pola manifestación de Galicia Bilingüe do 8 de Febreiro do 2009 e os incidentes asociados a ela.

"Bilingüismo Mr. Marshall", Compostela (08/02/2009)

2009-02-11T23:01:00.030Z

Imaxes da manifestación ridiculista celebrada pola plataforma Sei o que nos figestes... nos últimos 525 anos con motivo da marcha convocada pola asociación Galicia Bilingüe baixo o lema "Galicia es bilingüe. Quiero libertad para elegir", o día 8 de Febreiro do 2009 en Compostela.

Hora galega: A opinión dos lectores

2009-01-01T16:03:00.004Z

O 1 de Xaneiro do 2009, ás 0:00 horas, rematou o prazo de participación na enquisa proposta pola Vixía de Suviña para os seus lectores: "Pensa que habería que atrasar a hora galega para adaptala ao seu fuso horario (GMT)?". Estes son os resultados:

1º. Si, por razóns de aforro enerxético (24 votos)

2º. Si, pois moitos países do mundo teñen varias zonas horarias, por exemplo España (22 votos)

3º. Si, para facilitar as relacións con Portugal (19 votos)

4º. Si, pois acordar para traballar de noite non é saudable (18 votos)

5º. Si, e tamén nas restantes partes de España e nos outros estados europeus aos que corresponda por motivos xeográficos (16 votos)

6º. Si, por recuperar o horario anterior a 1946 (10 votos)

7º. Non, porque se faría de noite una hora antes (5 votos)

7º. Está ben, mais habería que restar aínda outros 30 minutos para se axustar á situación xeográfica (5 votos)

8º. Non, porque non é práctico (3 votos)

8º. Non, porque nos afastaría comercialmente de Europa (3 votos)

9º. Non, pois é máis importante a unidade de España neste senso (2 votos)

9º. Non, porque favorece o separatismo (2 votos)

10º. Non, porque sería caro (1 voto)

Retrospectiva: "Visita a Portomarín" (22/12/2007)

2008-12-22T14:50:00.003Z

A sección "Retrospectiva" é unha ollada sobre feitos e accións do pasado que, polo seu valor documental ou simbólico, teñen un espazo reservado na Vixía de Suviña.

Este é o aspecto que presentaba o río Miño ao seu paso por Portomarín o día 22 de Decembro do 2007. As augas do Encoro de Belesar baixaran deixando á vista o vello malecón da vila, a ponte vella, algunhas estruturas e varias pesqueiras.

Noite cruel e poderosa, Compostela (17/12/2008)

2008-12-19T03:15:00.001Z

Concentración celebrada o 17 de Decembro do 2008 fronte ao Hostal dos Reis Católicos para a rememoración dos 525 anos da decapitación do Marechal Pero Pardo de Cela. Dentro do acto, convocado por Sei o que nos figestes... nos últimos 525 anos procedeuse á lectura do Manifesto Cruel e Poderoso.

Conversas con Xosé Neira Vilas, Xosé Luís Axeitos e Isaac Díaz Pardo na Terraza, Sada (26/11/2008)

2008-11-27T00:52:00.001Z

Dentro dos actos programados na HOMENAXE POPULAR DA TERRA DAS MARIÑAS A D. ISAAC DIAZ PARDO, celebráronse unhas Conversas con Xosé Neira Vilas, Xosé Luís Axeitos e Avelino Pousa Antelo Isaac Díaz Pardo na Terraza de Sada, o 26 de novembro do 2008 ás 20:30 GMT+1. No acto estaba programada a presenza do galeguista Pousa Antelo, que non puido acudir debido ao seu estado de saúde, de xeito que foi don Isaac quen ocupou a súa cadeira.

Novas das manifestacións gandeiras do 18 de Novembro do 2008 nos medios dixitais galegos

2008-11-19T13:13:00.001Z

Vieiros: Manifestacións polo leite en Compostela cun mesmo fin mais diferentes vieiros

A Nosa Terra: Miles de gandeiros do leite toman Compostela
A Nosa Terra: Carme Freire: 'Suárez canal debe reivindicar o prezo mínimo'
A Nosa Terra: Galería de fotos da protesta do leite do SLG
A Nosa Terra: Galería de fotos da protesta do leite de Unións e Xóvenes
A Nosa Terra: O SLG sabotea un acto de Suárez Canal na Xunta

Gznación: Dúas manifestacións reúnen a miles de gandeiros para reclamar un prezo xusto para o leite
Gznación: O SLG cualifica de "engano" a manifestación convocada por Unións Agrarias e Xóvenes Agricultores
Gznación: Unha delegación do SLG péchase en Medio Rural para esixir que se convoque a MEsa do Leite

El Correo Gallego: XXAA, UUAA y SLG se manifiestan por separado en defensa del lácteo
El Correo Gallego: El PPdeG expresa su "solidaridad" con los ganaderos y se suma a la demanda de un "precio justo" para la leche
El Correo Gallego: Toman las calles para que saltarse el contrato lácteo "no salga gratis"
El Correo Gallego: Manifestación do Sindicato Labrego Galego (Galería gráfica)
El Correo Gallego: XXAA y UUAA en defensa del sector lácteo (Galería gráfica)

La Voz de Galicia: Miles de ganaderos participan en Santiago en dos protestas por el precio de la leche

La Opinión de A Coruña: Manifestación de ganaderos y agricultores en Santiago

Europa Press: Miles de ganaderos exigen "precios dignos" para la leche y ayudas al sector

Unións Agrarias: Máis de 9.000 gandeiros de toda Galicia mobilizaranse o día 18 en Santiago en defensa do sector lácteo
Unións Agrarias: Unións e Xóvenes denuncian que as industrias incumpren os acordos dos contratos homologados do leite

Noticia na TVG.

Manifestación de Xóvenes Agricultores e Unións Agrarias en Compostela (18/11/2008)

2008-11-18T20:30:00.001Z

Ver imaxes da anterior manifestación de Unións Agrarias, Xóvenes Agricultores e o Sindicato Labrego Galego (30/04/2008).

Baixo o lema "En defensa do noso leite" a manifestación convocada por Unións Agrarias e Xóvenes Agricultores para o mediodía do 18 de Novembro do 2008 partiu da Alameda de Compostela e rematou ás portas da Xunta de Galicia, discorrendo polas rúas da Virxe da Cerca, Santa Clara e os Basquiños.

Retrospectiva: "Camisolas do Penela Rock 2008"

2008-11-07T11:40:00.010Z

Camisolas oficiais do Penela Rock 2008, celebrado no Concello de Monforte de Lemos o 2 de Agosto do 2008.